Згодна з дакументам, “улічваючы ўзровень заробкаў у Беларусі, асабліва ў
раённых гарадах і вёсках, сума дадзенай пошліны разам з коштам
Шэнгенскай візы робяць практычна недаступным выезд большай часткі
грамадзян Беларусі за мяжу”.

Акрамя таго, аўтары петыцыі адзначаюць, што ідэя ўвядзення пошлін
ўшчамляе права на свабоду перамяшчэння, замацаванае ва Усеагульнай
дэкларацыі правоў чалавека і артыкула 30 Канстытуцыі Рэспублікі
Беларусь, якая гарантуе грамадзянам “права свабодна перамяшчацца і
выбіраць месца жыхарства ў межах Рэспублікі Беларусь, пакідаць яе і
бесперашкодна вяртацца назад”.

З поўным тэкстам петыцыі можна азнаёміцца тут.

Як паведамляў Тэлеграф, прэзідэнт Беларусі Аляксандр Лукашэнка 6 верасня выступіў з
ініцыятывай аб абмежаванні паездак беларусаў у Польшчу і Літву па
пакупкі і сказаў, што ўжо даўно даручыў распрацаваць механізм абкладання
пошлінай тых, якія ездзіць за мяжу “за барахлом”. “Гэта будзе так: мы
цябе на мяжы абслугоўваем, плаці 100 даляраў з носа і едзь за мяжу”, –
заявіў ён.

Пытанні аб увядзенні пошліны для беларусаў, якія выязджаюць за мяжу, плануецца адпрацаваць за бліжэйшы месяц-паўтара.