У Гомелі прайшла сустрэча з Віталём Рымашэўскім і Паўлам Севярынцам
У Гомелі 2 лістапада
прайшла сустрэча сустаршыняў аргкамітэта па стварэнні партыі «Беларуская
хрысціянская дэмакратыя» Паўла Севярынца і Віталя Рымашэўскага з рэгіянальнымі
актывістамі.
Як заявіў
Рымашэўскі, мерапрыемства арганізавана для таго, каб абмеркаваць планы на
бліжэйшыя выбарчыя кампаніі – у мясцовыя саветы дэпутатаў і прэзідэнцкую,
правесці абласную раду БХД, абраць рэгіянальнага лідара, абмеркаваць з
мясцовымі лідарамі палітычных партый сітуацыю напярэдадні выбараў, зрабіць
крокі да аб’яднання ўсіх дэмакратычных структур.
