«Аптымізацыя» Музея Максіма Багдановіча – наступ на беларускую культуру (відэа)
Па рашэнні Міністэрства культуры Літаратурны музей Максіма
Багдановіча ў Мінску пазбавіцца статусу музея – ён стане філіялам Дзяржаўнага
музея гісторыі беларускай літаратуры.
11 снежняпрадстаўнікі беларускай грамадскасці правялі ў Менску прэс-канферэнцыю, на якой выказалі свой пратэст у сувязі з
«аптымізацыяй» музея паэта.
«Вось цяпер у Кіеве праходзіць Майдан, – нагадаў паэт Уладзімір Някляеў. – Там ідзе
барацьба за ўладу, адны імкнуцца выцесніць іншых. Але ніхто не выцясняе з
Майдана Тараса Шаўчэнку, Лесю Ўкраінку, ніхто не выцясняе з Майдана Украіну. У
нас гэты працэс ідзе ад самага пачатку прыходу да ўлады Лукашэнкі. І тое, што
адбываецца з музеем Багдановіча, – звяно ў ланцужку.
Для мяне абсалютна няма ніякага пытання, для чаго ўсё гэта
робіцца. Першая фаза – паніжэнне статусу, другая – паніжэнне статусу будынка.
Яны перанеслі ўжо помнік Багдановічу, чаму б цяпер не перанесці будынак. Гэта
спроба захапіць маёмасць, якая належыць не Міністэрству культуры, не гораду, а Беларусі і беларусам, нашай
гісторыі і літаратуры».
На думку Някляева, у Беларусі сёння культурны, духоўны фронт
– перадавы фронт, трэба змагацца, калі жадаем застацца людзьмі, калі «хочам
быць годнымі тых нашых суседзяў, якія сёння стаяць на Майдане».
«Калі мірныя меры ні да чаго не прывядуць, – лічыць палітык,
– трэба рыхтаваць актыўны супраціў – пікеты, маніфестацыі. Нельга дапускаць,
каб нас знішчылі як беларусаў, каб з нас выціснулі наш дух. З Багдановічам яны
змагаюцца, таму што Багдановіч і ў 2006 – м, і ў 2010 годзе быў бы на Плошчы і
цяпер быў бы на Майдане».
«Ёсць інфармацыя аб тым, што музей Багдановіча ў Гродне ўжо
ператвораны ў філіял, – паведаміў старшыня Саюза беларускіх пісьменнікаў Барыс
Пятровіч. – І падобныя скарачэння ідуць па ўсёй краіне. Яшчэ месяц таму
сакратарыят прыняў заяву, у якой назваў гэта паслядоўным і планамерна надыходам
на беларускую культуру, і звярнуўся да Міністэрства культуры з просьбай
адклікаць сваё рашэнне. Ніякай рэакцыі не было. Скарачэнне ідзе не дзеля нейкай
аптымізацыі або з-за таго, што ў дзяржаве цяжкае эканамічнае становішча. За
гэтым стаіць нешта больш ганебнае, чым мы можам нават падумаць. Ідзе наступ на
беларускую культуру, ідзе русіфікацыя грамадства».
Пісьменнік Уладзімір Арлоў заявіў, што незалежна ад таго,
«следства ці гэта бяздумнасці або безадказнасці кіраўніцтва Міністэрства
культуры, або за гэтай сітуацыяй стаіцьчыёсьці імкненне захапіць
прэстыжны будынак», у выніку
гэта вялікі ўдар па беларускай культуры.
«Гаворка ідзе аб паніжэнні статусу музея, прысвечанага генію
нашай літаратуры», – сказаў ён і, падкрэсліўшы, што ў музея Багдановіча ёсць
два сваіх філіяла, задаўся пытаннем іх лёсу.
“Ня хочацца думаць, але міжволі ўзнікае думка, што,
можа быць, менавіта дзейнасць музея па папулярызацыі беларускай культуры,
літаратуры і імя Максіма Багдановіча і ёсць прычына таго, што яго вырашылі
«аптымізаваць» і ператварыць у філіял”, – выказаў меркаванне Уладзімір Арлоў.
