Напярэдадні Раства адбыўся рэйд у пратэстанцкай царкве: канфіскаваныя Бібліі (фота)

27.12.2013, 09:16  |  Навіны » Палітыка

22 снежня, падчас ранішняга нядзельнага набажэнства, у дом малітвы царквы Міжнароднай рады цэркваў Евангельскіх Хрысціян-баптыстаў Гомеля па вуліцы Бакуніна, 147, увайшлі каля 10 супрацоўнікаў міліцыі, чалавек у цывільным і 2 панятых. Супрацоўнікі міліцыі вялі відэаздымку, а затым запатрабавалі спыніць багаслужэнне. Адзін з іх перашкаджаў агульнай малітве.

 

Пасля набажэнства ўсіх перапісалі, некаторых вернікаў дапыталі. На лідэраў царквы Аляксандра Залатарова (прэсвітэр), Андрэя Тупальскага (дыякан) і Алега Данілеўскага (прапаведаваў на багаслужэнні) склалі пратаколы аб адміністрацыйным правапарушэнні, абвінаваціўшы іх у арганізацыі несанкцыянаванага масавага мерапрыемства, паведаміў у сваім Facebook сябар Нацыянальнай Рады аргкамітэту БХД Аляксей Шэін.

 

Акрамя таго канфіскавалі Біблію. Копіі пратаколаў і акту аб канфіскацыі Бібліі вернікам не выдалі. Кіраваў усім намеснік начальніка Аддзелу аховы правапарадку і прафілактыкі Савецкага РАУС Гомеля Міхаіл Язепенка.

 

Царква просіць маліцца і хадайнічаць аб тым, каб органы ўлады не парушалі мірныя набажэнствы хрысціян, спынілі пераследваць вернікаў за іх рэлігійныя перакананні.

 

Напярэдадні Раства адбыўся рэйд у пратэстанцкай царкве: канфіскаваныя Бібліі (фота)
Напярэдадні Раства адбыўся рэйд у пратэстанцкай царкве: канфіскаваныя Бібліі (фота)

Навіны па тэме