Міжнародныя праваабаронцы заклікаюць Лукашэнку вызваліць палітвязняў (тэкст)
Праваабарончая
арганізацыя Libereco – Partnership for Human Rights пры падтрымцы шэрагу
парламентарыяў з еўрапейскіх краін заклікае Аляксандра Лукашэнку адмысловым
дэкрэтам вызваліць усіх палітвязняў у Беларусі напярэдадні Чэмпіянату свету па
хакеі, які пройдзе ў Менску ў траўні.
Праваабаронцы
заклікаюць вызваліць дзевяцёх беларускіх палітвязняў: Міколу Статкевіча, Алеся
Бяляцкага, Ігара Аліневіча, Мікалая Дзядка, Андрэя Гайдукова, Эдуарда Лобава,
Васіля Парфянкова, Арцёма Пракапенку і Яўгена Васьковіча.
Аўтары звароту
адзнчаюць, што правы палітвязняў моцна парушаюцца. “Гэта можна лёгка
скончыць з дапамогай адмысловай амністыі”, – падкрэсліваюць яны.
Пад зваротам
падпісаліся сярод іншых Крыстоф Штрэсэр, камісар нямецкага ўраду па палітыцы ў
галіне правоў чалавека, дэпутаты нямецкага Бундэстагу Марылюізэ Бэк, Утэ
Фінкх-Крэмэр, Катрын Гёрынг-Экарт, Франц Тонэс, дэпутат швейцарскага парламенту
Жан-Франсуа Штаерт, еўрапарламентарыі Сары Эсая, Марэк Мігальскі і Вэрнэр
Шульц.
Апроч таго, Libereco
– Partnership for Human Rights распачала збор
подпісаў у падтрымку звароту.
