БХД лічыць важным захаваць адзінства дэмсіл падчас кампаніі 2015 года
Нацыянальная Рада аргкамітэту па стварэнні партыі “Беларуская Хрысціянская Дэмакратыя” на сваім паседжанні 29 лістапада прыняла рэзалюцыю “Пазіцыя БХД адносна Кангрэсу дэмакратычных сіл”:
1. 17 лістапада прадстаўнікі Беларускай
Хрысціянскай Дэмакратыі, Партыі БНФ, Беларускай сацыял-дэмакратычнай партыі
(Грамада), “Гавары праўду” і Руху “За Свабоду” падпісалі праект
працэдуры, паводле якой можа быць праведзены Кангрэс дэмакратычных сіл.
2. На сустрэчы прадстаўнікі ўсіх сямі дэмсілаў
(разам з Аб’яднанай грамадзянскай партыяй і Беларускай партыяй левых
“Справядлівы свет”), якія ўдзельнічаюць у кансультацыях, дамовіліся да 1
снежня 2014 года чакаць вызначэння пазіцый АГП і “Справядлівага свету” і
да гэтага рашэнне не рэалізоўваць.
3. Паводле агульнай дамоўленасці, рашэнне аб
рэалізацыі працэдуры прымаецца мінімум шасцю структурамі з сямі (кансэнсус
мінус 1). На сённяшні дзень толькі ў такім фармаце беларускія хрысціянскія
дэмакраты гатовы ўдзельнічаць у Кангрэсе.
4. Мы заклікаем прадстаўнікоў усіх
дэмакратычных сілаў прыняць супольную працэдуру правядзення Кангрэса.
5. Найлепшым часам правядзення Кангрэсу мы
бачым канец сакавіка-пачатак красавіка 2015 года.
6. У
выніку, калі дэмакратычныя сілы не бачаць магчымасці вылучэння адзінага
кандыдата, мы лічым важным захаваць адзінства падчас правядзення кампаніі 2015
года і правесці Кангрэс Нацыянальнага адзінства, на якім прыняць супольную
платформу кампаніі 2015 года.
