У Бабруйску прайшло свята вышыванкі (фота)
18 студзеня ў Бабруйску
праходзіла Свята вышыванкі, прысвечанае прыканцу каляднага перыяду і святу Вадохрышча.
На свята прыехалі народныя майстры з
розных куткоў краіны, прывезлі свае вырабы, вышыванкі, пляценне з саломкі,
кованыя творы, правялі майстар-класы для гасцей.
«Прыемна ўражвала
колькасць дзяцей якія спявалі беларускія
спевы, чыталі вершы», – адзначыў каардынатар аргкамітэту БХД у Магілёве Алег
Аксёнаў.
Узрост
удзельнікаў быў ад трох месяцаў да 90 год. Увесь час гучала жывая музыка, а
госці развучвалі і танчылі народныя танцы. Сябры клубу гістарычнай рэкаструкцыі
ў вялікалітвінскіх строях паказалі элементы бою на шабляхі. Рэй вялі фальклорны гурт “Мярэжа” і дудар Зміцер Мурашка. Напрыканцы свята госці
частаваліся стравамі беларускай кухні, якія прынеслі бабруйскія гаспадыні.
У свяце прынялі ўдзел
прадстаўнікі пенсіянерскай суполкі БХД з Менску Наталля Маразевіч і Галіна
Каржанеўская.
