Актывісты БХД заклікалі бабруйчанаў абараніць дзяцей ад алкаголю (фота)
Актывісты аргкамітэту па
стварэнні партыі “Беларуская Хрысціянская Дэмакратыя” 20 траўня правялі акцыю ў
межах кампаніі “Абаронім нашых дзяцей ад алкаголю”.
Як і ў іншых гарадах –
Менску, Слоніме, Мядзеле, Кобрыне – яны распаўсюдзілі плакаты кампаніі па
публічных месцах: пад’ездах, прыпынках, дошках аб’яў. Але таксама прапаноўвалі
мінакам з дзецьмі сфатаграфавацца з плакатам ў падтрымку кампаніі. Плакаты
мінакі атрымлівалі ў падарунак, абяцаючы павесіць іх у сябе дома ці ў пад’ездзе.
“Людзі вельмі добра
адгукнуліся на акцыю”, – адзначыла каардынатар БХД па Магілёўскай вобласці
Таісія Кабанчук.
