Святлана Няверка правяла ў Менску пікет за рэформу судовай сістэмы (фота, відэа)
Прамоўца Беларускай хрысціянскай дэмакратыі Святлана Няверка 30 снежня ў менскім мікрараёне Сляпянка ля крамы “Бруснічка” па вуліцы Філімонава правяла пікет супраць міліцэйскага бязмежжа і рэформу судовай сістэмы.
«Зараз у нашай краіне ўсё больш і больш людзей адчуваюць на сабе немагчымасць уплываць на дзяржаўныя органы ўлады. Міліцыя і суды фінансуюцца за нашы бюджэтныя сродкі, але абараняюць не грамадзян, а ўладу. Бюджэтныя грошы павінны траціцца на патрэбы людзей. Гэта магчыма, калі ў мясцовых саветах будуць кандыдаты з народа. Яны павінны кантраляваць, на што ідуць нашы падаткі. Зараз прызначэнцы з вертыкалі марнуюць грошы на спецбальніцы і новыя аўтамабілі для чыноўнікаў. Я буду дамагацца, каб простыя грамадзяне, а не чыноўнікі вызначалі прыярытэты выдаткавання бюджэту, каб суды былі незалежнымі, а супрацоўнікі міліцыі абаранялі нас», – адзначыла Святлана Няверка.
