ЕНП: Беларусь павінна забяспечыць свабодныя, справядлівыя і дэмакратычныя мясцовыя выбары
Віцэ-прэзідэнт Еўрапейскай народнай партыі (ЕНП), еўрадэпутат Паўлу Ранжэль MEP завяршыў двухдзённы візіт у Менск, мэтай якога былі сустрэча і падтрымка Правацэнтрысцкай апазіцыі: сябраў-назіральнікаў ЕГП Аб’яднанай грамадзянскай партыі (АГП) і Беларускай хрысціянскай дэмакратыі (БХД), а таксама для ацэнкі заяўкі на ўступленне Руху за свабоду (РЗС), паведамляе EPP.EU.
Падчас візіту віцэ-прэзідэнт Ранжэль разгледзеў сітуацыю з правамі чалавека ў Беларусі, сустрэўся з прадстаўнікамі грамадзянскай супольнасці, ацаніў палітычную сітуацыю напярэдадні мясцовых выбараў у лютым, і прыйшоў да наступнай высновы:
«Беларусь мае вялікі патэнцыял для развіцця больш цеснага супрацоўніцтва з ЕС і ў нас ёсць шмат агульных інтарэсаў, асабліва ў галіне бяспекі. Пасля майго двухдзённага візіту ў Беларусь, зразумела, што ўдзел Беларусі ў працэсе Усходняга партнёрства мае важнае значэнне, але застаюцца многія праблемы, якія датычаць дэмакратычных стандартаў, уключаючы сітуацыю палітычных правоў і правоў чалавека ў краіне. ЕНП уважліва сочыць за развіццём падзей напярэдадні мясцовых выбараў у лютым.
Вельмі трывожна, што апазіцыя па-ранейшаму выключаная з рэальнага ўдзелу ў выбарчых камісіях; кандыдаты падвяргаюцца пераследу або ім адмаўляюць у рэгістрацыі, працягваецца і судовы пераслед апазіцыі. Для таго, каб палепшыць адносіны, Беларусь павінна забяспечыць, каб наступаючыя выбары былі свабоднымі, справядлівымі і празрыстымі, і выконваць стандарты і рэкамендацыі БДІПЧ АБСЕ. Акрамя таго, я шкадую аб тым, што сітуацыя ў дачыненні да рэгістрацыі палітычных партый і грамадскіх арганізацый не палепшылася, што асабліва тычыцца БХД. Я таксама вельмі занепакоены ціскам на незалежныя сродкі масавай інфармацыі, у прыватнасці, на навін сайт Хартыя-97.
Беларусь павінна заставацца на высокім узроўню еўрапейскага парадку дня. Нацыянальны кансэнсус і дыялог паміж апазіцыяй і ўрадам, асабліва па важных для краіны пытаннях, як становішча ў галіне правоў чалавека і ажыццяўленне неабходных рэформаў, вельмі важны для развіцця Беларусі і павінен быць уключаны.
ЕНП гатовая ўнесці свой уклад у кожны магчымы шлях да развіцця такога дыялогу. У той жа час, мы будзем працягваць прапаноўваць нашу поўную падтрымку правацэнтрысцкай апазіцыі. Мы застаемся пад уражаннем ад іх удзелу і прыхільнасці да барацьбы за дэмакратычную Беларусь і за лепшае жыццё для грамадзян, нягледзячы на пераслед і запалохванне з боку ўладаў. Палітычная падтрымка нашых партнёраў застаецца бясспрэчнай, і мы спадзяемся, што Беларусь будзе прымаць неабходныя дэмакратычныя крокі для забеспячэння працягу дыялогу з Еўропа”.
“Еўрапейская народная партыя сёння з’яўляецца ўнікальнай структурай, якая аб’ядноўвае як выканаўчую, так і заканадаўчую ўладу ў Еўрапейскім Саюзе. Беларуская хрысціянская дэмакратыя – частка сям’і ЕНП. Візіт спадара віцэ-прэзідэнта для нас вельмі важны, бо, нягледзячы на занятасць у Еўропе ў сувязі з надыходзячымі выбарамі ў Еўрапарламент, кіраўніцтва Еўрапейскай народнай партыі па-ранейшаму надае ўвагу і сочыць за сітуацыяй ў Беларусі. Дзякуючы супрацоўніцтву з Еўрапейскай народнай партыі, Беларуская хрысціянская дэмакратыя сёння з’яўляецца часткай еўрапейскай хрысціянска-дэмакратычнай сям’і і можа абараняць інтарэсы Беларусі на еўрапейскім узроўні, дзякуючы падтрымцы і супрацоўніцтву з нашай сябрамі”, – адзначыў у каментары прэс-службе БХД сустаршыня Віталь Рымашэўскі.
