Вольга Кавалькова падвяла вынікі святкавання Дня Волі
Для каманды Беларускай Хрысціянскай Дэмакратыі святкаванне Дня Волі ля Опернага тэатру 25 сакавіка ў Мінску было ў асноўным працоўным. Пра гэта заявіла сустаршыня БХД Вольга Кавалькова.
“Яго вынікі – гэта больш за 200 новых людзей, якія запісаліся у БХД, гэта амаль 2500 сабраных подпісаў пад калектыўным зваротам па рэфармаванні судовай сістэмы і наданні 25 сакавіка статусу дзяржаўнага свята, гэта некалькі тысяч распаўсюджаных ўлётак пра дзейнасць партыі, лідараў і нашу праграму, гэта 500 шчаслівых вачэй дзяцей і іх бацькоў, якія атрымалі нашы святочныя балонікі з “Пагоняй”, – адзначыла яна.
“Жывем і працуем далей. А працы шмат. І доўгі шлях. Але, як кажуць, пасля такога, ты ўжо не будзеш такім, якім быў раней. Бо галоўны вынік дня гэта натхненне, якое я атрымала ад тых, хто сёння прыйшоў, ад тых, каму таксама патрэбны перамены. І тых, хто прагне пераменаў, так шмат, што мы пра гэта пачалі забываць. Дзякуй усім!” – распавяла Вольга Кавалькова.
