У Менску ў залі “Бернардын” гатэлю “Манастырскі” фэстам “Бог жыве!” было адзначана трохгоддзе Няспыннай малітвы за Беларусь – кругласуткавай бесперапыннай эстафетнай малітвы, распачатай у красавіку 2015 года.

Арганізатарка Няспыннай малітвы, кіраўніца Культурніцкай камісіі БХД Вольга Севярынец, выступаючы падчас канцэрту, паведаміла, што такі фэст у велікодны перыяд плануецца зрабіць штогадовым.

У канцэрце ўзялі ўдзел пратэстанты Віктар Козел (“Тэзаўрус”) і “Зоркі забылі зьзяць”, праваслаўны Зьміцер Цярэньцьеў і каталіцкі гурт “Рыбы”.

Няспынная малітва за Беларусь – эстафетная чарга, у якой бяруць удзел больш як 200 чалавек, што моляцца ўдзень і ўначы, па гадзіне на тыдзень.