Віталь Рымашэўскі: абсалютна ірацыянальны крок, які пагражае незалежнасці Беларусі
Сустаршыня аргкамітэту па стварэнні Партыі “Беларуская Хрысціянская Дэмакратыя” Віталь Рымашэўскі пракаментаваў сітуацыю з адкліканнем беларускіх дыпламатаў з Польшчы і ЕС і высылкай кіраўнікоў дыпмісій Польшчы і ЕС з Беларусі.
“Гэта палітычная памылка, якая нясе катастрафічныя наступствы для Беларусі. Канфрантацыяз ЕС пагражае незалежнасці Беларусі, паглыбляе яе залежнасць ад Расеі”, – сказаў ён.
“Крок уладаў абсалютна ірацыянальны, тым больш, што ЕС паказаў сваю няздольнасць уводзіць моцныя санкцыі. Да таго ж, увёўшы санкцыі супраць 21 чыноўніка, а не 135 як планавалася, ЕС пайшоў на вялікія саступкі рэжыму. Таму гэта проста ірацыянальна”, – адзначыў Віталь Рымашэўскі.
