Дзяніс Дашкевіч хоча дамагчыся правядзення Дажынак у Рагачове
Каардынатар БХД Дзяніс Дашкевіч мае намер дамагчыся ад адміністрацыі Лукашэнкі перагляду месца правядзення Дажынак на карысць Рагачова.
У бліжэйшыя дні актывіст мае намер арганізаваць стварэнне ініцыятыўнай групы па зборы подпісаў у адміністрацыю прэзідэнта па пытанні перагляду рашэння аб месцы правядзення “Дажынак – 2013”. Аднак такая ініцыятыва цалкам не спадабалася гарадской адміністрацыі, з’явілася інфармацыя, што Дашкевіч нібыта зноў арыштаваны.
Дзяніс Дашкевіч першы ў горадзе адкрыта заявіў, што абураны рашэннем аблвыканкама перанесці свята ў Гомель замест Рагачова:
“Людзі чакалі гэтага свята, асабіста я не заўзяты прыхільнік падобных піяр-канцэртаў ад нашай улады, але я ведаю, што нашы людзі чакалі яго з надзеяй, што горад зменіцца ў лепшы бок, былі абяцанні аб паляпшэнні інфаструктуры. Больш за тое, гэтае свята арганізавана і прыдумана для працаўнікоў вёскі, нягледзячы на тое, што я сам з Гомеля, я не разумею рашэння правесці дажынкі ў Гомелі. Я маю намер арганізаваць жыхароў горада і разам звярнуцца да прэзідэнта з просьбай перагледзець месца правядзення мерапрыемства”.
Аднак пасля гэтай заявы сувязь з Дашкевічам зноў знікла. Стала вядома, што ён знаходзіцца на допыце, па неафіцыйнай інфармацыі актывісту прапануюць замаўчаць, пры дапамозе адміністрацыйнага рэсурсу. Пакуль незразумела, якая на гэты раз справа будзе супраць яго сфабрыкавана, аднак крыніца ў Рагачоўскім РВК сцвярджае, што сёння праходзілі перамовы з галоўным рэдактарам ‘Свабоднага словы “Андрэем Шышкіным па дадзенай падставе. Магчыма, ён будзе якімсьці чынам звязаны з новым скандалам.
