Віталь Рымашэўскі: Лукашэнку давядзецца вызваліць палітвязняў
Згадванне Аляксандрам Лукашэнкам слова «санкцыі» сведчыць аб тым, што яны так ці інакш дзейнічаюць.
Так сустаршыня аргкамітэта па стварэнні партыі «Беларуская хрысціянская дэмакратыя» (БХД) Віталь Рымашэўскі пракаментаваў сайту charter97.org заяву беларускага кіраўніка аб контрпрадукцыйнасці санкцый.
«Калі б санкцыі былі неэфектыўнымі, то Лукашэнка пра іх наогул бы не казаў. Гэтая сітуацыя нагадвае рэакцыю беларускага кіраўніка і чыноўнікаў на слова «байкот» падчас апошняй перадвыбарчай кампаніі. Што б ні казалі эксперты і аналітыкі, відавочна, што гэтыя рэчы яго раздражняюць і перашкаджаюць яму, а значыць, дзейнічаюць», – лічыць палітык.
Ён падкрэсліў, што заявы наконт бессэнсоўнасці ставіць умовы з’яўляюцца дарэмнымі.
«Лукашэнку прыйдзецца, як мінімум, вызваліць палітвязняў і пайсці на іх рэабілітацыю, каб Еўрапейскі звяз захаваў хаця б тую пазіцыю, якая існуе сёння. Дыктатар гэта добра ведае, і такія заявы толькі пацвярджаюць, што гэтае балючае пытанне яго раздражняе, і беларускі кіраўнік нічога не можа з гэтым зрабіць», – упэўнены Віталь Рымашэўскі.
Нагадаем, сёння Аляксандр Лукашэнка выступае з пасланнем да народа і «парламента».
