На пікет БХД у Віцебску прыйшлі людзі ў цывільным з камерамі (фота)
У Віцебску 8
лютага ў самым цэнтры гораду паміж гарадскім і абласным выканкамі ля
“Піраміды” адбыўся пікет прамоўцаў Беларускай Хрысціянскай
Дэмакратыі. На ім апроч подпісаў у падтрымку прамоўцаў збіраліся таксама
подпісы за будаўніцтва смеццепераапрацоўчага камбінату і супраць алкагалізацыі
насельніцтва.
Нягледзячы на
дрэннае надвор’е, сабраць подпісаў атрымалася шмат, паведаміла каардынатарка
аргкамітэту БХД Таццяна Севярынец.
На пікет завіталі
людзі ў цывільным з камерамі, якія здымалі ўдзельнікаў пікету ў твар. Наведала
пікет і прадстаўніца выбарчай камісіі.
