Памерла кіраўнік руху пралайф Беларусь Таццяна Тарасевіч
У ноч з 1 на 2
чэрвеня ў веку 44 гадоў памерла Таццяна Тарасевіч — кіраўнік руху пралайф
Беларусь, галоўны рэдактар парталу http://www.pro-life.by/, аўтар шэрагу публікацый на тэму антрапалогіі, дэмаграфічнай палітыкі,
біяэтыкі, старшы выкладчык кафедры Літаратурна-мастацкай крытыкі Інстытута
журналістыкі БДУ.
«Адна з асноўных праблем нашага грамадства — гэта праблема
крызісу сям’і. Адсюль выцякае той самы дэмаграфічны крызіс. Здаровыя сілы
грамадства павінны аб’яднацца для таго, каб нагадаць астатнім, што такое
традыцыйная сям’я, як яна ствараецца, што яна грунтуецца не на здрадзе і
задавальненні, ня на асабістым камфорце, а на працы, на служэнні, на
самаахвяраванне. Ва ўмовах шматлікіх пагроз сучаснага грамадства мы назіраем
рост абортаў, рост пазашлюбных сажыццяў, сацыяльнае сіроцтва, так званыя
аднаполыя саюзы. Таму адраджэнне традыцыйнай сям’і з’яўляецца першачарговай
задачай. І нам пашчасціла, таму што ў нас у Беларусі яшчэ жывая традыцыя і жыва
разуменне хрысціянскай сям’і», — казала яна, перадае Sobor.by.
Беларуская
Хрысціянская Дэмакратыя і кампанія
“Моцная сям’я – моцная Беларусь” шчыра смуткуюць з прычыны смерці
Таццяны Тарасевіч і выказваюць шчырыя спачуванні сваякам і знаёмым памерлай.
