Сход каардынатараў МХД вызначыў прыярытэтныя кампаніі аргкамітэту
12 кастрычніка адбыўся сход
рэгіянальных каардынатараў аргкамітэту па стварэнні грамадскага аб’яднання “Маладыя
Хрысціянскія Дэмакраты”, на якім былі даабраныя кіраўнічыя органы аргкамітэту,
вызначаныя прыярытэты на 2015 год і абмеркаваныя планы на прэзідэнцкія выбары
2015 года.
З вітальным словам да
ўдзельнікаў сходу выступіў ад імя БХД Віталь Рымашэўскі, які адзначыў, што “Беларуская
Хрысціянская Дэмакратыя разглядае моладзевую арганізацыю не як малодшага партнёра,
а як роўную арганізацыю, якая мае адмысловае пакліканне – выйграць змаганне за
беларускую моладзь, а значыць і беларускую будучыню, стаць той альтэрнатывай хлусні,
дэградацыі і разбурэння нацыянальнай свядомасці , якія насаджае дзяржаўная
ідэалагічная машына”.
Па выніках сходу стратэгічным
прыярытэтам былі вызначаныя кампаніі па рэформе сістэмы адукацымі і яднанню
моладзевых дэмакрытычных сілаў у абароне ад рэпрэсіяў з боку ўлады. Сход
заклікаў правесці моладзевы форум па абароне моладз грамадскіх і палітычных актывістаў
ад рэпрэсій з боку ўлады і далучацца да яго правядзення іншыя моладзевыя
ініцыятывы. Таксама была прынятая заява з патрабаваннем спыніць персанальныя
рэпрэсіі супраць Паўла Вінаградава і Максіма Вінярскага.
“Мы заклікаем беларускую
моладзь яднацца для аброны тых, каго рэжым выштрухвае за межы краіны. Максіма
Вінярскага, Паўла Вінаградава і многіх іншых можна параўнаць з сапраўднымі
палітвязнямі, бо сумарны тэрмін іх знаходжання за кратамі можна параўнаць з
тэрмінамі, якія адбылі многія пасля 2010 года. Сёння рэжым знішчае найбольш
радыукальных актывістаў, а калі мы не здолеем з’яднацца, то пасля прыйдзе да
ўсіх нас”, – заявіла лідар МХД Марына Хоміч.
