Пра нас

Арганізацыйны камітэт партыі “Беларуская Хрысьціянская Дэмакратыя” пачаў працу ў 2004 годзе. У яго ўвайшлі як ужо вядомыя ў Беларусі дэмакратычныя палітыкі-хрысьціяне, так і новыя грамадзкія лідэры.

БХД зьяўляецца права-цэнтрысцкай палітычнай сілай, якая засноўвае сваю дзейнасьць на хрысьціянскіх каштоўнасьцях і беларускім патрыятызме.

БХД выступае за пабудову грамадзтва, заснаванага на прынцыпах, дадзеных чалавеку Богам.

Сустаршыні “Беларускай Хрысьціянскай Дэмакратыі”:

Георгі Дмітрук

Віталь Рымашэўскі

Павал Севярынец

Аляксей Шэін

ШТО ТАКОЕ ХРЫСЬЦІЯНСКАЯ ДЭМАКРАТЫЯ?

Гэта ідэя, якая грунтуецца на хрысьціянскіх маральных каштоўнасьцях. Хрысьціянства ў спалучэньні з дэмакратыяй для нас – гэта прыўнясеньне хрысьціянскіх маральных прынцыпаў у палітыку на розных яе ўзроўнях: у эканоміку, сацыяльную сфэру, культуру, адукацыю, іншымі словамі, любую сфэру жыцьця, зь якой сутыкаецца кожны чалавек.

ЯКІЯ КАШТОЎНАСЬЦІ Ў ХРЫСЬЦІЯНСКАЙ ДЭМАКРАТЫІ:

Ядро сыстэмы хрысьціянска-дэмакратычных каштоўнасьцяў складае трыяда паняцьцяў: Бог, Чалавек, Бацькаўшчына.

ЗА ШТО ВЫСТУПАЕ ХРЫСЬЦІЯНСКАЯ ДЭМАКРАТЫЯ?

– за сумленную, маральную, адказную палітыку;

– за абарону хрысьціянскіх каштоўнасьцяў ва ўсіх сфэрах жыцьця;

– за першынство Закону як грунту справядлівага дзяржаўнага ладу й грамадзкага парадку;

– за дзяржаву, якая стварае максымальна спрыяльныя ўмовы для росквіту сям’і й разьвіцьця асобы;

– за незалежную Беларусь;

– за прыватную ўласнасьць як гарантыю індывідуальнай свабоды;

– за разьвіцьцё беларускай культуры і дыялёг зь іншымі культурамі;

– за разумнае экалягічнае гаспадараньне на сваёй зямлі;

– за адкрытую палітыку ў адносінах з усім сьветам;

– за моцнае мясцовае самакіраваньне;

– за свабоду сумленьня й хрысціянскую талерантнасьць;

– за спрашчэньне бюракратычных працэдур і зьніжэньне падаткаў.