📺 Глядзець відэа:

У новым роліку мы паказваем:
— як выглядае еўрапейскі шлях у рэальнасці — праз інстытуцыйную рэформу, незалежны суд, адукацыю, эканоміку, мясцовае самакіраванне;
— якія канкрэтныя змены патрэбныя Беларусі, каб вярнуцца да развіцця, годнасці і бяспекі;
— як выглядае дарожная карта еўраінтэграцыі на 10–15 гадоў, заснаваная на вопыце Грузіі, Малдовы і Украіны;
— як з дапамогай Праграмы Усходняга партнёрства Беларусь можа ўжо цяпер набліжацца да еўрапейскіх стандартаў.

🤝 Разам мы набліжаем Беларусь да свабоды і еўрапейскай будучыні.

The post 🎥 Новае відэа на YouTube-канале БХД: «Якім можа быць еўрапейскі шлях Беларусі і як да яго прыйсці? (частка 3)» appeared first on Афіцыйны сайт Беларускай Хрысціянскай Дэмакратыі (БХД).

У відэа мы разбіраем, што на самой справе азначае еўрапейская інтэграцыя для беларусаў. Не як палітычны лозунг, а як канкрэтныя змены ў эканоміцы, ахове здароўя, адукацыі, сацыяльнай палітыцы і якасці жыцця.

Мы параўноўваем шлях Беларусі і Польшчы за апошнія 30 гадоў:

Польшча абрала еўраінтэграцыю і павялічыла ВУП у 3 разы,

заробкі выраслі з €300 да €1400–1500,

сотні мільярдаў інвестыцый пайшлі ў інфраструктуру,

сярэдняя працягласць жыцця — на 6–10 гадоў вышэй, чым у Беларусі.

📊 У відэа вы знойдзеце факты, параўнальныя табліцы і простыя тлумачэнні:

што дае далучэнне да ЕС для грамадзян, прадпрыемстваў і рэгіёнаў;

як працуюць сацыяльныя гарантыі і медыцына ў краінах ЕС;

чаму інвестары ідуць туды, дзе ёсць празрыстыя правілы, справядлівы суд і павага да прыватнай уласнасці.

Мы таксама нагадваем: Беларусь — частка еўрапейскай цывілізацыі.
📜 Нашая гісторыя — гэта ВКЛ, магдэбургскае права, адукацыя ў Кракаве і Падуі.
⚖️ Нашы каштоўнасці — гэта годнасць чалавека, свабода сумлення, роля сям’і і салідарнасць — менавіта яны ляжаць у аснове сучаснага Еўрапейскага Саюза.

Еўраінтэграцыя — гэта вяртанне дадому. Гэта шанец жыць лепш у сябе, а не з’язджаць.

📣 Заклікаем паглядзець гэтае відэа ўсім, каму не абыякава будучыня Беларусі.
Будзем удзячныя за прагляд, лайк, каментар і распаўсюд сярод сяброў і калегаў.
Разам мы можам змяніць Беларусь — і вярнуць яе ў супольнасць свабодных, годных і моцных еўрапейскіх нацый.

The post «Еўраінтэграцыя — гэта не пра сцяг, а пра жыццё»: на канале БХД выйшаў новы відэаролік пра практычныя перавагі еўрапейскага выбару appeared first on Афіцыйны сайт Беларускай Хрысціянскай Дэмакратыі (БХД).

👉 Глядзіце відэа па спасылцы:

Гэтае відэа — жывое прадстаўленне бачання і прапаноў маладых хрысціянскіх дэмакратаў адносна будучыні моладзі ў Беларусі і за яе межамі. У ім мы шчыра і аргументавана гаворым пра 7 асноўных выклікаў, з якімі сутыкаецца беларуская моладзь, а таксама пра нашы прапановы — ад адукацыі і першага працоўнага месца да палітычнага ўдзелу і падтрымкі тых, хто ў эміграцыі.

📢 Заклікаем кожнага, каму неабыякава будучыня беларускай моладзі:

Паглядзець відэа,

Падзяліцца з сябрамі і калегамі,

Пакінуць каментар з вашымі думкамі.

Будзем удзячныя за вашу падтрымку і распаўсюд!

The post Выйшла прэм’ера новага відэа: “Асноўныя ідэі Моладзевай платформы МХД” appeared first on Афіцыйны сайт Беларускай Хрысціянскай Дэмакратыі (БХД).

– Сістэматычны пераслед вернікаў у Беларусі і чарговыя рэпрэсіі супраць святароў і веруючых;

– Роля Каардынацыйнай Рады і неабходнасць пашырэння міжнароднай салідарнасці ў абарону свабоды веравызнання і сумлення;

– Адказнасць еўрапейскіх лідараў і заклік да дзеянняў, якія выходзяць за межы традыцыйнай “занепакоенасці”;

– БЧБ-сцягі на Прайд-парадах і пазіцыя хрысціянскіх дэмакратаў адносна сімволікі і каштоўнасця

ў;

– Размежаванні ўнутры БХД і гісторыя асобных кейсаў,

– Абмяркаванне справы Анжалікі Мельнікавай.

Выступ Віталя Рымашэўскага стаў яшчэ адным сведчаннем паслядоўнай пазіцыі Беларускай хрысціянскай дэмакратыі ў абароне правоў чалавека, маральных прынцыпаў і грамадзянскіх свабод.

🎧 Запіс інтэрв’ю можна паслухаць тут

The post Віталь Рымашэўскі даў інтэрв’ю Еўрарадыё: пра пераслед вернікаў, міжнародную салідарнасць і каштоўнасныя выклікі appeared first on Афіцыйны сайт Беларускай Хрысціянскай Дэмакратыі (БХД).

Віталь распавёў пра тое, якія павінны быць прыярытэты беларускіх дэмакратычных сіл, што трэба рабіць беларускім дэмакратычным сілам зараз, як санкцыі ўплываюць на беларускую эканоміку, якая верагоднасць міжнароднага трыбунала і чаму лозунг “Не злаваць дзеда” – бязглуздзiца.

Недастаткова проста санкцый, трэба прадуманыя санкцыі!

-Зараз ад санкцый пакутуюць звычайныя беларусы.

-Забарона на ўвоз легкавых аўтамабіляў з Еўропы-гэта акцыя “Падтрымаем кітайскі аўтапрам”.

-Дайце магчымасць беларусам атрымліваць візы, вучыцца і вандраваць у Еўразвязе.

Міжнародны трыбунал не мае рэальных механізмаў асуджэння

-Усе людзі, якія адказныя за рэпрэсіі ў Беларусі, павінны быць пакараныя па беларускім законе і беларускім судом.

-Міжнародны трыбунал не мае рэальных механізмаў, каб асудзіць людзей, якія адказныя за рэпрэсіі.

-Трэба падтрымліваць патэнцыял беларусаў да барацьбы, каб яны змаглі дасягнуць дэмакратыю ў Беларусі.

-Змены залежыць ад тых, хто ўнутры Беларусі, і наша задача дапамагаць тым, чым мы можам.

“Не злаваць дзеда”- гэта поўная бязглудзіцца

-Трэба ня зважаць на дзеда. Хопіць факусавацца на Лукашэнка. Звярніце калі ласка ўвагу на беларусаў.

-Змены ў Беларусі надыдуць толькі тады, калі беларускі народ знойдзе ў сабе патэнцыял на чарговую рэвалюцыю, якая абавязкова адбудзецца.

Разрыў паміж дэмакратычнымі сіламі і беларусамі вялікі і ён расце

-Беларусы, нават простыя актывісты, не ўплываюць на дэмакратычныя сілы, бо не абіраюць гэтых лідараў.

-“Не-жалезнай заслоне паміж беларусамі і Еўрапейскім звязам” павінен быць сумесным лозунгам беларускіх дэмакратычных сіл.

Таксама вы можаце паглядзець выпуск цалкам на ютубе па спасылцы.

The post “Дайце магчымасць беларусам атрымліваць візы, вучыцца і вандраваць у Еўразвязе”— Віталь Рымашеўскі appeared first on Афіцыйны сайт Беларускай Хрысціянскай Дэмакратыі (БХД).

У гэтай рэзалюцыі Еўрапарламент:
– Рашуча асуджае нядаўнюю хвалю масавых арыштаў Беларусі і заклікае нелегітымны рэжым Лукашэнкі спыніць рэпрэсіі
– Заклікае да неадкладнага, безумоўнага вызвалення і выплаты кампенсацыі ўсім больш чым 1400 палітычным зняволеным, а таксама іх сем’ям і адвольна затрыманым асобам.
– Пацвярджае сваю пазіцыю з нагоды адсутнасці празрыстасці, свабоды і справядлівасці напярэдадні парламенцкіх і мясцовых “выбараў” у Беларусі і заклікае ЕЗ, яго дзяржавы-чальцы і міжнародную супольнасць не прызнаваць вынікі
– Заклікае ўжыць больш жорсткія санкцыі ў дачыненні да рэжыму Лукашэнкі, у тым ліку ў дачыненні да тавараў, звязаных з прымусовай працай палітычных зняволеных, і больш строгіх фінансавых санкцый, а таксама ў дачыненні да асоб, адказных за сур’ёзныя парушэнні правоў чалавека.
– Заклікае да далейшага скарачэння дыпламатычных прысутнасць Беларусі ў ЕС, працягваць аказваць падтрымку ахвярам рэжыму з выкарыстаннем спецыяльных інструментаў, прадастаўляць ім магчымасць атрымліваць візы ЕС і віды на жыхарства і рыхтавацца да разгляду выпадкаў безграмадзянства.
– Заклікае і далей забяспечваць дакументаванне парушэнняў правоў чалавека ў Беларусі, падтрымліваць Пераўтварэнне расследавання сітуацыі з правамі чалавека ў Беларусі, якое праводзіцца УВКПЧ, у цалкам незалежны механізм расследавання, падтрымліваць мандат Спецыяльнага дакладчыка ААН у правах чалавека ў Беларусі і для ўзмацнення падсправаздачнасці з дапамогай экстэрытарыяльнай і ўніверсальнай юрысдыкцыі.
– Пацвярджае сваю салідарнасць з народам Беларусі і сваю падтрымку яго законных памкненняў да дэмакратычнай і еўрапейскай будучыні і па-ранейшаму адданы нястомнай працы з дэмакратычнымі сіламі, грамадзянскай супольнасцю і незалежнымі сродкамі масавай інфармацыі на карысць народа Беларусі.

Асноўнымі прычынамі для гэтай рэзалюцыі паслужылі бесперапынныя масавыя арышты беларускіх актывістаў апазіцыі і членаў іх сем’яў.

Беручы пад увагу, што большасць з іх з’яўляюцца маці і жонкамі палітвязняў, у тым ліку Марына Адамовіч, жонка Мікалая Статкевіча, Таццяна Севярынец, маці Паўла Севярынца, і раней арыштаваная Дар’я Лосік, жонка Ігара лосіка.

Нагадаем, пра затрыманне маці палітзняволенага Паўла Севярынца стала вядома 9 студзеня. Пасля затрымання жанчына трапіла ў бальніцу, а пазней яе адпусцілі  дадому. Супраць жанчыны склалі два пратаколы і аштрафавалі яе на 5 400 рублёў: за “распаўсюд экстрэмісцкіх матэрыялаў” (арт. 19.11 КаАП) і “несанкцыянаванае пікетаванне” (арт. 24.23 КаАП).

The post “Адрэагаваць увядзеннем больш жорсткіх санкцый” – новая рэзалюцыя Еўрапарламента appeared first on Афіцыйны сайт Беларускай Хрысціянскай Дэмакратыі (БХД).

Прычыны – знешняя агрэсіўная палітыка ў адносінах да Украіны і ўнутраная жорсткая палітыка ў адносінах да сваіх грамадзян.

Наколькі крытычны такі байкот для нашай эканомікі?

Еўразійскі фонд стабілізацыі і развіцця прадставіў аналіз фінансавання, якое паступала ад розных міжнародных арганізацый краінам Еўразійскага рэгіёна з 2008 года.

Высветлілася, што Беларусь — лідэр па аб’ёме стабілізацыйных крэдытаў (9,2 $).

А вось доля інвестыцыйных крэдытаў значна менш (1,7 $)

Больш за ўсё грошай РБ даваў МВФ.  Цяпер пра ўсё гэта можна забыць: крэдыты РБ дае толькі Расея, ды і тая робіць гэта з неахвотай.  Страта міжнароднай падтрымкі – чарговая падножка для кульгаючай беларускай эканомікі.

The post Цяпер большасць міжнародных арганізацый адмаўляецца супрацоўнічаць з РБ appeared first on Афіцыйны сайт Беларускай Хрысціянскай Дэмакратыі (БХД).

У Беларусі шматдзетныя сем’і, якія выхоўваюць трох і больш непаўналетніх дзяцей, якія навучаюцца ў школах (на ўзроўні базавай і агульнай сярэдняй адукацыі, у тым ліку ва ўстановах спецыяльнай адукацыі), могуць атрымаць да новага навучальнага года матэрыяльную дапамогу.

Яе памер складае 30% бюджэту пражытковага мінімуму, дзеючага на 1 жніўня.

Так, у Мінску матэрыяльную дапамогу ў памеры 64,1 рубля атрымаюць больш за 25,7 тыс. шматдзетных сем’яў. У Брэсцкай вобласці такую ​​падтрымку плануецца аказаць 18 678 сем’ям: у Бярозаўскім раёне памер выплаты на кожнага навучэнца са шматдзетнай сям’і складае 48 рублёў, у Пінску і Баранавіцкім раёне — 45, у Івацэвіцкім раёне — 42, у Баранавічах — 40, у Брэсце — 35.

Вылучэнне матэрыяльнай дапамогі ў Facebook пракаментаваў сустаршыня аргкамітэту партыі «Беларуская хрысціянская дэмакратыя» Георгій Дзмітрук, які сам з’яўляецца шматдзетным бацькам і пражывае ў Кобрыне (Брэсцкая вобласць):

«Гучная назва? Вельмі! Уся краіна думае: «Дзяржава клапоціцца пра шматдзетных!» Якая добрая ўлада!? Дык вось, я ад імя шматдзетных як шматдзетны бацька, як сам са шматдзетнай сям’і, кажу вам, маючым уладу: «Не ганьбіцеся! Вашай падачкі ў 45 рублёў не хопіць купіць нават пару дыхтоўных сандалікаў для нашых дзяцей! Скараціце бюджэт МУС, КДБ і іншых не шматдзетных, але тоўстых «малойчыкаў» і рэальна дапамажыце шматдзетным!»

Krynica.info

The post Георгій Дзмітрук: скараціце бюджэт КДБ, МУС і рэальна дапамажыце шматдзетным appeared first on Афіцыйны сайт Беларускай Хрысціянскай Дэмакратыі (БХД).

11.1.1. Мы лічым, што эфэктыўная рынкавая эканоміка цалкам сумяшчальная з еўрапейскімі прынцыпамі ашчаднага выкарыстання рэсурсаў, безадкіднасці тэхналогіяў і павагі да Божага тварэння. Грамадзяне Беларусі валодаюць правам на спрыяльнае навакольнае асяроддзе як неад’емны паказчык якасці жыцця чалавека. Таму дзяржава мусіць прыкладаць усе намаганні для захавання прыроднага патэнцыялу Беларусі і развіцця экалагічнай бяспекі ў нашай краіне.

11.1.2. БХД зыходзіць з таго, што пасля катастрофы на Чарнобыльскай АЭС Беларусь стала зонай экалагічнага бедства. Забруджаныя радыёнуклідамі тэрыторыі сталі небяспечнымі для пражывання людзей і мала прыдатныя для вядзення сельскай гаспадаркі. БХД лічыць заніжанымі ацэнкі катастрофы на Чарнобыльскай АЭС як па колькасці чалавечых ахвяр, так і па наступствах ад трагедыі у сярэднетэрміновай і доўгатэрміновай перспектыве.

11.1.3. Назіраецца шматразовае перавышэнне нарматыўнага ўзроўню забруджвання паветранага басейна ў гарадах з высокім узроўнем канцэнтрацыі экалагічна небяспечных вытворчасцяў і вялікай плынню аўтатранспарту.

11.1.4. Працягваецца небяспечнае забруджванне прамысловымі, камунальнымі і павярхоўнымі сцёкавымі водамі акваторыяў унікальных водных аб’ектаў як, напрыклад, азёр Нарач, Свіцязь, Блакітных, Браслаўскіх і іншых водных аб’ектаў.

11.1.5. Інтэнсіўная трансфармацыя вадазборных басейнаў і воднага рэжыму рачной сеткі ў выніку буйнамаштабнага асушэння забалочаных зямель прывяла да знікнення мноства малых рэк і ручаёў.

11.1.6. Праблемная экалагічная сітуацыя ў сельскай мясцовасці звязана са шматгадовым уздзеяннем на навакольнае асяроддзе адыходаў буйных жывёлагадоўчых комплексаў, з хімізацыяй сельскай гаспадаркі, выманнем урадлівых зямель для нясельскагаспадарчых мэт, эрозіяй глеб антрапагеннага паходжання, ўсыханнем лясоў і трансфармацыяй глеб у выніку непрадуманай буйнамаштабнай меліярацыі і г.д.

11.1.7. Акрамя ўласных крыніц забруджвання тэрыторыя Беларусі падвяргаецца забруджванню шкоднымі прымешкамі, якія выкідаюцца ў паветра ў суседніх краінах, а потым трапляюць да нас.

11.1.8. Актуальным пытаннем з’яўляецца захаванне відавой разнастайнасці жывёльнага і расліннага свету.

З Праграмы БХД “Народная партыя з хрысціянскім сэрцам”, прынятай 13 чэрвеня 2015 года ў Менску.

The post Праграма БХД. Ахова навакольнага асяроддзя і экалагічныя праблемы Беларусі appeared first on Афіцыйны сайт Беларускай Хрысціянскай Дэмакратыі (БХД).

10.9.1. – права на стварэнне незалежных прафесійных саюзаў у паведамляльным парадку без атрымання папярэдняга дазволу дзяржаўных органаў;

10.9.2. – ліквідацыюперашкодаў, якія могуць быць выкліканы патрабаваннем аб юрыдычным адрасе і 10-працэнтнай мінімальнай колькасцю сябраў прафсаюза ад агульнай колькасці работнікаў прадпрыемства;

10.9.3. – забеспячэнне празрыстасці палажэнняў, якія рэгулююць парадак утварэння прафсаюза;

10.9.4. – стварэнне эфектыўнага механізму абароны ад антыпрафсаюзнай дыскрымінацыі і іншых рэпрэсіўных мер у дачыненні да актывістаў працоўнага руху;

10.9.5. – узмацненне адказнасці чыноўнікаў дзяржаўных органаў і кіраўніцтва прадпрыемстваў за ўмяшанне ў дзейнасць прафсаюзаў;

10.9.6. – адмову ад тэрміновых працоўных кантрактаў, за выключэннем абмежаванай колькасці катэгорыяў працоўных;

10.9.7. – прывядзенне норм закона “Аб правядзенні масавых мерапрыемстваў” у адпаведнасць з правам прафесійных саюзаў і арганізацыяў працадаўцаў адстойваць правы працоўных;

10.9.8. – распрацоўку і ўкараненне сістэмы падаткавых ільгот для сацыяльна адказных кампаніяў.

З Праграмы БХД “Народная партыя з хрысціянскім сэрцам”, прынятай 13 чэрвеня 2015 года ў Менску.

The post Праграма БХД. У сферы прафсаюзнай дзейнасці БХД выступае за appeared first on Афіцыйны сайт Беларускай Хрысціянскай Дэмакратыі (БХД).