Сайт ЦВК уводзіў у зман кандыдатаў у дэпутаты: давялося ўмяшацца Вользе Кавальковай

24.11.2017, 15:04  |  Навіны » Палітыка

Сайт ЦВК уводзіў у зман кандыдатаў у дэпутаты: давялося ўмяшацца Вользе Кавальковай

 

На сайце ЦВК Беларусі была змешчаная інфармацыя, якая ўводзіла ў зман патэнцыйных кандыдатаў у дэпутаты. Яе наяўнасць 24 лістапада выявіла каардынатар кампаніі «Права выбару» ад Беларускай хрысціянскай дэмакратыі Вольга Кавалькова.

“У Цэнтрвыбаркаме як звычайна "высокакваліфікаваны" персанал. Паводле інфармацыі на іх сайце, рэгістрацыя кандыдатаў у дэпутаты мясцовых Саветаў дэпутатаў ажыццяўляецца адпаведнай тэрытарыяльнай, акруговай камісіяй з 9 па 18 снежня 2017 года ўключна. На самай жа справе згодна з заканадаўствам рэгістрацыя кандыдатаў з 9 па 18 студзеня 2018 года”, - паведаміла Вольга Кавалькова.

Сайт ЦВК уводзіў у зман кандыдатаў у дэпутаты: давялося ўмяшацца Вользе Кавальковай 

У сувязі з гэтым яна вымушана была напісаць зварот у ЦВК. Пазначыўшы памылку, каардынатар “Права выбару” падкрэсліла: “Прашу выправіць памылку і прыцягнуць да адказнасці супрацоўнікаў, якія адказныя за распаўсюд інфармацыі, якая дэзінфармуе кандыдатаў і выбаршчыкаў”.

Неўзабаве інфармацыя была выпраўленая.  

Сайт ЦВК уводзіў у зман кандыдатаў у дэпутаты: давялося ўмяшацца Вользе Кавальковай

 

«Аператыўнасць ЦВК у гэтым пытанні, вядома, радуе, а вось прафесіяналізм пакідае жадаць лепшага», - адзначыла Вольга Кавалькова, якая пакуль так і не атрымала афіцыйнага адказу з ЦВК на свой зварот. 

Навіны па тэме