Паводле дадзеных Нацыянальнага статыстычнага камітэта, Беларусь у траўні 2010 г. імпартавала 79,8 тыс. тон нафты з краін далёкага замежжа па цане $656 даляраў за тону.

Аператыўна-аналітычны цэнтр пры прэзідэнце зацвердзіў палажэнне аб парадку інтэрнэт-фільтрацыі ў Беларусі. Яна будзе абавязковай толькі для ўстаноў адукацыі і дзяржустаноў (але не ўсіх), астатнім карыстальнікам доступ да непатрэбных інфармацыі будзе абмежаваны толькі па іх жаданні.

Мытны кодэкс Мытнага саюза ў адносінах паміж Беларуссю, Расіяй і Казахстанам уступіў у сілу з 6 ліпеня 2010 года. Адпаведнае рашэнне замацавана ў сумеснай заяве кіраўнікоў дзяржаў - удзельніц Мытнага саюза.

"Белтрансгаз" і "Газпром" падпісалі дадатковае пагадненне да кантракта па транзіце газу. У адпаведнасці з дакументам стаўка транзіту расійскага газу па тэрыторыі Беларусі ў 2010 годзе складзе 1,88 долара за 1 тыс. куб. м на 100 км.

“Газпром” пералічыў Беларусі за транзіт газу 228 млн. даляраў. Пра гэта паведаміў афіцыйны прадстаўнік кампаніі Сяргей Купрыянаў 24 чэрвеня на прэс‑канферэнцыі ў Маскве.

"Белтрансгаз" пагасіў запазычанасць перад "Газпромам" у памеры 187 млн. долараў, і

Беларусь паставіла свой ультыматум Расеі: запатрабавала ад "Газпрома" пагасіць запазычанасць за транзіт газу ў памеры 260 млн. долараў да 10.00 24 чэрвеня.

З аўторка ў Беларусь паступае на 30% менш газу, чым звычайна.

Беларусь знойдзе сродкі для аплаты доўгу за расейскі газ цягам двух тыдняў, аднак "Газпром" не мае намеру чакаць два тыдні.

"Газпром" пачаў абмежаванне паставак газу ў Беларусь. Пра гэта паведаміў кіраўнік расійскага газавага холдынгу Аляксей Мілер 21 чэрвеня на пасяджэнні аператыўнага штаба па ацэнцы сітуацыі з Беларуссю.

Сёння "Газпром" працягвае кансультацыі з беларускімі калегамі, але іх сэнс не мяняе патрабаванняў расійскай кампаніі наконт пагашэння запазычанасці.

Расія  адмовілася прыняць аплату за беларускі газавы доўг бартэрам.

Расійска-беларускія перамовы, якія прайшлі 19 чэрвеня ў Санкт-Пецярбургу адносна проблемы газавага доўгу скончыліся безвынікова, заявіў журналістам кіраўнік "Газпрома" Аляксей Мілер.