Стварэнне беларускамоўных класаў у кожнай школе – магчыма!

11 снежня 2017 17:28  |  Грамадства

Стварэнне беларускамоўных класаў у кожнай школе – магчыма!

 

“Стварэнне беларускамоўных класаў у кожнай установе агульнай сярэдняй адукацыі горада магчыма”, – такі адказ ад старшыні Маладзечанскага райвыканкаму Аляксандра Яхнаўца атрымалі на свой зварот актывісты Беларускай хрысціянскай дэмакратыі з Маладзечна.

Праўда, гарадскі кіраўнік адразу ж удакладніў, што для адкрыцця беларускамоўных класаў неабходная дастатковая колькасць бацькоў, “зацікаўленых у беларускамоўнай адукацыі, для адкрыцця класа як структурнай адзінкі ўстановы”.

Нагадаем, што актывісты збіралі подпісы за тое, каб у заяву пры пастаноўцы на улік у дзіцячы садок уключыць выбар мовы навучання, а таксама за стварэнне і наяўнасць у кожным беларускім садку і школе беларускамоўных груп і класаў. “Фактычна Аляксандр Яхнавец адмовіў у рэалізацыі прапаноў”, – адзначыў каардынатар БХД у Маладзечне Раман Ганчароў.

Таксама актывісты атрымалі адказ з Міністэрства адукацыі. “Сярод усёй вады пра тое, як у нас нібыта развіваецца і падтрымліваецца беларуская мова, цікавасць выклікаюць толькі два моманты: пра тое, што пры залічэнні дзіцяці ў першы клас бацькам павінны распавядаць пра магчымасць атрымання беларускамоўнай адукацыі, а ў школах-такі можна выкладаць гісторыю Беларусі па-беларуску. Але наколькі гэтыя прынцыпы рэалізуюцца на практыцы, а не застаюцца на паперы, думаю, ведаеце самі”, – дадаў актывіст.

Цалкам з адказамі можна пазнаёміцца ніжэй:

Стварэнне беларускамоўных класаў у кожнай школе – магчыма!
Стварэнне беларускамоўных класаў у кожнай школе – магчыма!
Стварэнне беларускамоўных класаў у кожнай школе – магчыма!
Стварэнне беларускамоўных класаў у кожнай школе – магчыма!
Стварэнне беларускамоўных класаў у кожнай школе – магчыма!

Стварэнне беларускамоўных класаў у кожнай школе – магчыма!

 

 

Болей навін