У Віцебску бібліятэку імя Леніна прапануюць пераназваць у гонар Васіля Быкава (фота)
Актывісты аргкамітэта БХД, сябры ініцыятывы “Віцебск – горад наш” склалі да Віцебскіх абласных структур улады адмысловы зварот, у якім прапануюць надаць бібліятэцы імя Уладзіміра Леніна замест гэтага імя беларускага пісьменніка Васіля Быкава.
У прыватнасці, у звароце заяўляецца, што “імя У.І.Леніна … не адпавядае часу, не з’яўляецца нацыянальна апраўданым і значным” і “мы прапануем даць установе імя славутага, сусветна вядомага земляка Васіля Быкава”.
Подпісы збіралі сярод наведвальнікаў бібліятэкі і неабыякавых мінакоў. Усяго сабрана 64 подпісы, якія будуць пададзены ў Віцебскі аблвыканкам і абласны Савет дэпутатаў.
