Беларускія Хрысціянскія Дэмакраты заявілі аб фармаванні свайго спісу на выбары ў Кардынацыйную Раду, а таксама заклікалі дэмакратычныя сілы прыярытэтам працы ў 2024 годзе прыняць супрацьдзеянне ізаляцыі беларускіх грамадзян ад Еўрапейскага Саюза і вызваленне палітвязняў.

09 лютага 2024 09:00  |  БХД Важна Галоўныя навіны Грамадства Навіны Палітыка

8 лютага 2024г. прайшоў сход  Беларускай Хрысціянскай Дэмакратыі.

Беларускія хрысціянскія дэмакраты падвялі вынікі працы за 2023 год і абмеркавалі стратэгію дзеянняў і прыярытэты працы на 2024 год.

*Пасяджэнне праводзілася ў змешаным фармаце онлайн і афлайн (прадстаўнікі з Беларусі змаглі прыняць удзел з дапамогай зуму). Усяго прынялі ўдзел больш за 50 прадстаўнікоў суполак хрысціянскай дэмакратыі з Беларусі, а таксама ў часовай эміграцыі.

 

Асноўныя вынікі сходу:

  • Беларускія хрысціянскія дэмакраты заклікаюць краіны Еўрапейскага звязу не дапусціць ізаляцыі беларускага грамадства ад дэмакратычнага свету, а беларускія дэмакратычныя сілы – зрабіць найгалоўнейшымі прыярытэтамі працы на бліжэйшы час – недапушчэння ізаляцыі беларусаў ад дэмакратычных краін свету і вызваленне палітычных вязняў.
  • Забяспечэнне свабоды перамяшчэння, магчымасці вучыцца, працаваць і весці бізнес у ЕЗ для беларускіх грамадзян – мусяць стаць прыярытэтам у працы беларускіх дэмакратычных сілаў. Гл./Поўны тэкст заявы
    Адпаведныя звароты будуць накіраваныя да Святланы Ціханоўскай, АПК і Каардынацыйнай Рады
  • “Беларускія Хрысціянскія Дэмакраты заяўляюць аб тым, што Рэжым Лукашэнкі мае намер ў 2024 годзе ліквідаваць усе рэлігійныя суполкі, якія адмаўляцца рэтрансляваць дзяржаўную прапаганду. Такім чынам, рэпрэсіі супраць хрысціянскай царквы ў Беларусі набываюць маштаб пераследу незалежнай хрысціянскай царквы ў СССР.
    Менавіта дзеля гэтага 30 снежня 2023 года была падпісаная новая рэдакцыя Закона “Аб свабодзе сумлення і рэлігійных арганізацыях”.
    Хрысціянскія Дэмакраты заклікаюць Спыніць пераслед хрысіціян у Беларусі і заклікаюць лідараў дэмакратычных краін свету і хрысціянскія супольнасці па ўсім свеце да салідарнасці. Гл./Поўны тэкст заявы
  • Хрысціянскія Дэмакраты патрабуюць неадкладнага вызвалення Паўла Севярынца і ўсіх палітычных зняволеных і спынення рэпрэсій у Рэспубліцы Беларусь.
    Абмяркаваная праца па далейшай падтрымцы палітвязняў – зараз болей за 20 хрысціянскіх дэмакратаў знаходзяцца за кратамі.
    Адзначана, што адзін з лідэраў беларускай хрысціянскай дэмакратыі Павел Севярынец незаконна кінуты ў вязніцу ў 2020 годзе і з тых часоў рэжым не перастае пагаршаць турэмныя ўмовы для Паўла, каторыя можна зараз параўнаць з катаваннем.
  • Хрысціянскія дэмакраты заявілі аб сваім намеры прыняць удзел у выбарах у Каардынацыйную Раду, якія павінны прайсці ў бліжэйшыя месяцы. Сфармаваць выбарчы спіс даручана Адказнаму сакратару хрысціянскіх дэмакратаў Дзянісу Садоўскаму.
  • Таксама Беларускія Хрысціянскія дэмакраты падтрымалі рух па Еўраінтэграцыі Беларусі.
  • Прынятае рашэнне аб прызнанні нелегетымнымі і неправавымі выбары, каторыя рэжым лукашэнкі прызначыў на 25 лютага.

 

Прынята рашэнне аб падрыхтоўкі абноўленай праграмы і правядзення канференцыі Беларускай Хрысціянскай Дэмакратыі да канцы 2024 года.

 

Беларуская Хрысціянская Дэмакратыя, 8.02.2024.

Для зваротнай сувязі:

https://bchd.info/

[email protected]

+48 888 507 242  Адказны Сакратар БХД , Дзяніс Садоўскі 

Болей навін