Нідэраландскі дэпутат: адносіны з Беларуссю нагадваюць халодную вайну (відэа)

31.10.2014, 20:11  |  Блог Георгія Дзмітрука, Палітыка

Адносіны паміж Беларусь і Еўрасаюзам часам нагадваюць Халодную вайну. Пра гэта заявіў у інтэрв’ю прэс-службе Беларускай Хрысціянскай Дэмакратыі дэпутат парламента Нідэрландаў ад Рэфармацкай Палітычнай Партыі Ролаф Бішап (Roelof Bisschop).

 

"Але я спадзяюся і малюся, каб усё скончылася добра. Каб напружанне спадала, і краіны зноў пачалі камунікаваць і супрацоўнічаць”, - сказаў ён.

 

На яго думку, у гандлёвых кантактах урад мусіць падкрэсліваць зноў і зноў свабоду людзей. "Галандскі ўрад мусіць стаць у абарону мяншыняў у Беларусі. І я думаю, мы павінны прытрымлівацца гэтай пазіцыі ў перамовых з Беларуссю”, - мяркуе дэпутат.

 

Ролаф Бішап таксама адзначыў, што БХД у Беларусі робіць вельмі вялікую працу, і галандцам ёсць чаму павучыцца ў пытаннях камунікацыі з людзьмі. "У нас партыі часта вельмі далёкія ад людзей. Тое, што робіць БХД, - гэта вялікая праца. І прыйдзе момант, калі Беларусь запатрабуе хрысціянска-дэмакратычную палітыку. Я ўпэўнены”, - заявіў ён.

 


Навіны па тэме