16 жніўня – форум “Свабоду палітвязням!”
У аўторак 16 жніўня а 18:00 у Менску па адрасе Чарнышэўскага 3 пачнецца форум “Свабоду палітвязням!”. Форум арганізоўваюць грамадскія арганізацыі, праваабаронцы, палітычныя партыі. Мэта форуму – прыцягнуць увагу грамадства і міжнароднай супольнасці да праблемы палітычных рэпрэсій у Беларусі. Уціск па палітычных прыкметах абвастрыўся ў апошнія месяцы – сведчанне таму “Справа Пальчыса”, “Справа Кондруся”, “Справа анархістаў”, шматлікія штрафы за мірныя акцыі пратэсту, суды і канфіскацыі.
Да ўдзелу ў форуме запрашаюцца тыя, хто падвяргаўся рэпрэсіям, сваякі палітвязняў, лідары і актывісты палітычных партыяў, грамадскіх арганізацыяў, праваабаронцы, журналісты, дыпламаты.
У праграме форума: агляд справаў Кондруся, Пальчыса, Жамчужнага, Бандарэнкі, Паліенкі, Садоўскай, Багінскай, Вінаградава ды іншых; абмеркаванне пытання дапамогі і акцыяў салідарнасці, прыняцце выніковага дакумента.
Запрашаем да ўдзелу зацікаўленых і журналістаў.
