БХД правяла серыю пікетаў каля пяці буйных гіпермаркетаў Менску (фота, відэа)
Актывісты Беларускай Хрысціянскай Дэмакратыі 3 жніўня правялі серыю пікетаў за Байкот “выбараў” каля пяці буйных гіпермаркетаў Менска.
Пікеты прайшлі каля гіпермаркетаў “Корона” на вуліцы Кальварыйская, “Материк” на Каменнай горцы, гіпердыскаўнтэра “Евроопт” на скрыжаванні Лагойскага тракту і МКАД, “ProStore” па вуліцы Дзяржынскага і Biggs у Зялёным Лузе.
Пікеты стаялі з 11 да 15. Падчас іх актывісты БХД збіралі пакупнікоў не ісці на выбары і збіралі подпісы за вызваленне палітвязняў. Агулам было сабрана за палітвязняў больш за 200 подпісаў.
Да ўсіх пікетоўцаў падыходзілі ахоўнікі гіпермаркетаў і патрабавалі, каб яны пакінулі месца пікету. Але пасля працяглых тлумачэнняў і кансультацый з юрыстамі крамаў, пікеты працягваліся.
