Заява БХД: Мінгандлю павінна змагацца з прадаўцамі алкаголю, а не зачыняць інтэрнэт-крамы
Сёння Беларусь займае лідыруючае месца па ўжыванню алкаголю
ў свеце (17,5 літраў чыстага алкаголю на душу насельніцтва па статыстыцы СААЗ
за 2013 год), каля 1 000 000 беларусаў злоўжываюць алкаголем, штогод у стане
алкагольнага ап’янення здзяйсняецца каля 30 000 правапарушэнняў.
Улічваючы такую жудасную статыстыку Міністэрства гандлю і
іншыя органы ўлады ў першую чаргу павінны весці барацьбу з вытворцамі і
прадаўцамі алкаголю, а не з інтэрнэт-крамамі, праца больш за дзясятак з якіх за
апошнія некалькі дзён была прыпынена па патрабаванні Мінгандлю.
Тыя парушэнні з боку інтэрнэт-крамаў, якія былі выяўленыя
падчас праверкі Мінгандлю, гэта кропля ў моры ў параўнанні з бяздзейнасцю ўлады
ў пытанні абароны беларускай нацыі ад дэградацыі з-за алкагольнага лоббі.
Пры такой катастрафічнай для краіны сітуацыі з алкагалізацыяй
насельніцтва беларускае заканадаўства з’яўляецца адным з самых ліберальных у
свеце: дазволена рэклама алкаголю ў крамах і кавярнях, дазволена рэклама піва
па ТБ, давлолена рэклама брэндаў, якія вырабляюць алкаголь, дазволены продаж
алкаголю ў агульных аддзелах крамаў (на практыцы алкаголь стаіць побач з сокамі
і пітной вадой), алкаголь можна замовіць па інтэрнэце ці нават узяць у арэнду,
праца цэнтраў безкаштоўнай дапамогі алказалежным абмежаваная і іншыя.
«Вось тое, з чым павінна змагацца Міністэрства гандлю ў
першую чаргу. Замест гэтага дзяржава не прымае ніякіх мер барацьбы з
алкагалізацыяй насельніцтва, якая набыла ў Беларусі характар эпідэміі (за
апошнія 20 год колькасць ўжывання алкаголю павялічылася ў 2,5 разы), а
змагаецца з мелкімі парушэннямі з боку інтэрнет-крамаў. Большасць з якіх
абумоўлена сёняшняй эканамічнай сітуацыяй, у якой вінавата дзеючая ўлада, і
якая вымушае дробны і сярэдні бізнэс ўлічваць пры фармаванні коштаў на тавары
новыя курсы валют, каб мінімізаваць свае фінансавыя страты. Але, нажаль, улады
не думаюць аб тым, колькі страціць кожны беларус ці ўладальнік бізнесу з-за
гэтага эканамічнага крызісу, пагаршэння стану здароўя, штрафаў ці павышэння
падаткаў, яна думае пра тое, як яна ўзбагаціць свой бюджэт ад продажу
алкагольных напояў падчас шматдзённых навагодніх святаў», – адзначыла кіраўнік
Менскага гарадскога аргкамітэту БХД, кіраўнік кампаніі «Абаронім нашых дзяцей
ад алкаголю» Вольга Кавалькова.
Беларуская Хрысціянская Дэмакратыя і 20 000 грамадзян
Беларусі, якія падпісаліся пад калектыўным зваротам, ПАТРАБУЮЦЬ ад Мінгандлю і
іншых органаў улады, накіраваць сваю ўвагу на праблему алкагалізацыі
насельніцтва і прыняць неадкладныя меры па змяненні заканадаўства, якое рэгулюе
вытворчасць і продаж алкагольных напояў у Беларусі, а менавіта:
дазволіць продаж алкагольных, слабаалкагольных напояў і піва
(далей — алкаголю) толькі з 11.00 да 22.00;
дазволіць продаж алкаголю толькі ў спецыялізаваных крамах ці
аддзелах крамаў, якія маюць асобны ўваход; дазволіць продаж і ўжыванне ў
дазволеных месцах алкагольнай прадукцыі толькі асобам, якія дасягнулі 21 года,
слабаалкагольных напояў, піва і энергетычных напояў з 18 гадоў;
увесці заканадаўчы абавязак прад’яўлення дакумента, які
сведчыць асобу (пашпарт і пасведчанне кіроўцы) пры куплі алкаголю да 25 гадоў;
забараніць рэкламу алкаголю ўнутры памяшканняў крамаў, кафэ,
рэстаранаў і г.д.;
забараніць рэкламу любой прадукцыі гандлёвых брэндаў і
фірмаў, якія маюць дачыненне да вырабу альбо рэалізацыі алкагольнай прадукцыі;
забараніць рэкламу піва па ТБ.
забараніць у перыяд
галасавання продаж алкаголю ў будынках, у якіх размяшчаюцца выбарчыя камісіі, і
на адлегласці 500 метраў ад іх;
дазволіць продаж алкаголю ў рэстаранах, кафэ і да т.п.,
толькі пры наяўнасці магчымасці зрабіць заказ ежы з меню;
за парушэнне правілаў гандлю, якое выказалася ў продажы
алкголя непаўналетнім, увесці прыпыненне дзеяння ліцэнзіі на раздробны гандаль
алкагольнай прадукцыяй на тэрмін ад 1 да 3 месяцаў;
выдзяляць на ільготных умовах памяшканні для працы цэнтраў і
арганізацый (групах Ананімных Алкаголікаў і да т.п.), якія аказваюць
бязвыплатную дапамогу людзям з алкагольнай залежнасцю і іх сем’ям;
абавязаць вытворцаў алкагольнай прадукцыі пералічваць частку
прыбытку ад яе рэалізацыі цэнтрам, якія займаюцца дапамогай і рэабілітацыяй
людзей з алкагольнай залежнасцю;
за кошт падаткаў ад рэалізацыі алкагольнай прадукцыі
ствараць вонкавую і відэа сацыяльную рэкламу пра здаровы лад жыцця і магчымых
варыянтах правядзення вольнага часу, які замяняе ўжыванне алкаголю, а таксама
распаўсюджваць у СМІ інфармацыю пра цэнтры, якія займаюцца дапамогай
алкаголезалежны людзям.
ліквідаваць ЛПП, як сістэму неэфектыўнай, рэпрэсіўнай і
карнай практыкі, прыніжаючай годнасць асобы, і фармаваць дзяржаўную палітыку па
барацьбе з алкагалізацыяй насельніцтва, грунтуючыся на тым, што алкагалізм —
гэта захворванне.
