Кіраўнікі БХД публікуюцца у багаслоўска-палітычным часопісе
Сустаршыні БХД Георгій Зьмітрук і Павел Севярынец выступілі з артыкуламі на старонках новага хрысціянскага багаслоўска-палітычнага часопіса “Свободное слово”.
У альманаху публікуюцца аўтары з Расеі, Украіны, Беларусі.
Артыкул Георгія Зьмітрука “Усякая ўлада ад Бога. Міф і рэальнасць” прысвечаны дачыненням асобы і дзяржавы; Павел Севярынец у матэрыяле “Беларуская хрысціянская дэмакратыя” распавядае пра гісторыю хрысціянска-дэмакратычнага руху ў Беларусі.
– Альманах вельмі насычаны надзённымі матэрыяламі. З нечым можна паспрачацца, вялікая частка артыкулаў – выдатны падручнік практычнай хрысціянскай дэмакратыі – кажа Павел Севярынец. – Надзвычай цікавыя даследванні “багаслоўя Майдану” і меркаванні расейскіх хрысціянаў, якія выступаюць супраць курсу Пуціна. Вялікая падзяка рэдактару “Свабоднага слова” Антону Камарову, які узяўся звесці ўвадно хрысціянскія палітычныя тэксты.
Прачытаць альманах можна тут: http://esxatos.com/
