Пасля звароту сябра БХД улады ўсталявалі бетонныя агароджы (фота)
ЖЭУ №92 ЖРЭА Кастрычніцкага раёну Менска выканала абяцанне прыняць меры для барацьбы з незаконнымі паркоўкамі ў двары па вуліцы Ленінградскай у Менску.
“У дадзены час для выпраўлення парушэнняў правілаў паркоўкі на прыдомавай тэрыторыі ля Вашага дому ўсталяваныя бетонныя агароджы”, – гаворыцца ў адказе сябру аргкамітэту БХД Максіму Гацаку, які ў межах Рады нарродных дэпутатаў звяртаўся з адпаведным зваротам у ЖЭУ.
Зварот тычыўся парушэнняў правілаў паркоўкі на ходніках ля дамоў па адрасе Ленінградская 3 і 5. Пры гэтым, як адзначыў Максім Гацак, агароджы былі ўсталяваныя толькі ля дома па адрасе Ленінградская 5, на дом па адрасе Ленінградская 3 іх не хапіла, хаця нават у адказе напісана, што іх усталявалі ля дому, дзе жыве актывіст.
