У Берасці актывісты МХД і РПСС вывесілі банэр “Лука – злодзей і хлус” (Фота)
23 траўня, каля шасці гадзін вечара актывісты моладзевага крыла Беларускай Хрысціянскай Дэмакратыі і РПСС вывесілі банэр на аўтамабільным мосце ў мікрараёне Бярозаўка. Кіроўцы, якія праязджалі міма, бачылі тэкст “Лука злодзей і хлус”.
Як патлумачыў актывіст БХД Міхал, “час акцыі абраны не выпадкова – усе едуць дадому пасля працы і колькасць машын узрастае ў некалькі разоў“. Актывіст РПСС Павал дадаў:
– Гэта ўжо не першы вывешаны намі банэр – мы будзем і далей імкнуцца данесці да грамадства, што нашу краіну раскрадалі і цынічна хлусяць па тэлевізары.
Банэр правісеў на мосце трохі больш за гадзіну, пасля чаго быў зняты “пільнай” міліцыяй.
