Актывісты БХД у якасці альэрнатывы 3 ліпеня правялі талаку ў Курапатах (фота, відэа)
Актывісты і
прыхільнікі Беларускай Хрысціянскай Дэмакратыі ў якасці альтэрнатывы афіцыйнаму
святкаванню 3 ліпеня правялі талаку на тэрыторыі мемарыяльнага комплексу “Курапаты”.
Тут на глыбіні 50-60 сантыментраў знаходзяцца
парэшткі больш за 100 тыс. чалавек, знішчаных у 1937-1940 гадах органамі НКУС.
На жаль, тэрыторыя Курапатаў знаходзіцца ў занядбанні. На костках бязвінна
забітых выкідаецца смецце, распіваецца алкаголь, растуць хмызнякі. Неаднаразова
заўважаныя факты вандалізму, зневажаліся крыжы.
Пасля прыборкі смецця і
добраўпарадкавання месца масавага пахавання для жадаючых была праведзеная
экскурсія па мемарыяльным комплексе.
