Андрэй Мельнікаў напісаў “усім годным людзям” песьню пра падзеі на Плошчы-2010 (mp3)
Вядомы беларускі бард, праваслаўны хрысьціянін, сябра БХД Андрэй Мельнікаў напісаў песьню “Усім годным людзям”, прысьвечаную падзеям 19 сьнежня 2010 года на Плошчы Незалежнасьці ў Менску.
Годныя Беларусі спаведнікі,
Людзі сталыя, дзеўчыны, юнакі,
Грамадзяне дзяржавы тваёй і маёй
Прысягалі сваёй крывёй.
Іх мясілі штосілі з усіх старон,
І зьвінеў, і зьвінеў Нагасакі звон,
І зьвінеў, і зьвінеў Нагасакі звон
У перадкалядны пост.
Вечар свабоды ў ноч зьбіцьця
Ператвораны дэманам зь небыцьця.
Замест любові – страх:
Едзе краіны дах.
Вас мясілі штосілі з усіх старон,
І зьвінеў, і зьвінеў Нагасакі звон,
І зьвінеў, і зьвінеў Нагасакі звон
У перадкалядны пост.
Не запэцкаць вас патокам хлусьні
І не выкрэсьліць і ў будучыні.
Усім, хто заўстаўся тут,
Вечнасьць аддасьць прысуд.
Вольнае Беларусі спаведнікі,
Людзі сталыя, дзеўчыны, юнакі,
Грамадзяне дзяржавы тваёй і маёй
Прысягалі сваёй крывёй.
