Анатоль Міхнавец: калі памяць пра герояў будзе жыць, тады мы пераможам (відэа)
Сябар Нацыянальнай Рады Беларускай Хрысціянскай Дэмакратыі, старшыня ініцыятывы “Беларуская Нацыянальная Памяць” Анатоль Міхнавец павіншаваў беларусаў з Днём беларускай вайсковай славы, які адзначаецца 8 верасня ў памяць аб перамозе ў 1514 годзе пад Воршай войска ВКЛ над маскоўскімі акупантамі.
“Заклікаю ўсіх у гэты дзень наведаць Аршанскае поле і ўшанаваць памяць нашых ваяроў, якія змагаліся тады, каб мы цяпер жылі”, – заклікаў ён, адзначыўшы, што кожны год улады спрабуюць затрымаць тых, хто прыязджае ўшанаваць беларускіх герояў.
Тых жа, хто не здолее наведаць Аршанскае поле, Анатоль Міхнавец заклікаў ушанаваць гэты дзень у сваім мястэчку ці горадзе, “каб мы памяталі пра нашых герояў, каб пераемнасць паміж пакаленнямі не перарывалася”. “Калі памяць пра герояў будзе жыць, тады мы пераможам. Жые Беларусь!”, – падкрэсліў ён.
