Помнік знадмагільнай плітой намагіле жыхара
вёскі Якімовічы Васіля Струпаўца маюць паставіць сябры Слонімскай арганізацыі
БХД.

Актывіст Беларускай хрысьціянскай дэмакратыі са
СлонімуАлесь Масюкраспавёў Свабодзе, што сям’ю Струпаўцоў зь Якімавічаў у
1943 годзе забілі савецкія партызаны атраду імя Панамарэнкі.

З усёй сям’і цудам застаўся жыць толькі маленькі Васіль — ён
быў паранены ў ногі, але здолеў выпаўзьці з падпаленай хаты.

«Цяпер пра гэта не прынята ўзгадваць, хоць гадоў 15 таму
гісторыя была апісаная ў мясцовай газэце, — расказвае Алесь Масюк. — Пра гэта
распавёў сам Васіль Струпавец. Ён памёр, а належнага помніка на ягонай магіле
няма дагэтуль».

Паводле спадара Масюка, найперш яны пачалі збор сродкаў на
помнік Васілю Струпаўцу сярод актывістаў, але таксама зьмясьцілі абвестку ў
інтэрнэце.

Магіла Васіля Струпаўца знаходзіцца побач з пахаваньнямі
закатаванай сям’і — бацькі, двух братоў і сястры.

The post Слонімцы зьбіраюць сродкі на помнік ахвяры савецкіх партызанаў appeared first on Афіцыйны сайт Беларускай Хрысціянскай Дэмакратыі (БХД).

Ініцыятыўная група пінчукоў сабрала з адкрытых крыніцаў факты карупцыі ў раённай сістэме аховы здароўя  – і подпісы жыхароў, абураных гэтымі фактамі.

Нагадаем, увесну падчас кампаніі пратэсту ў Пінску выйшла на цэнтральную плошчу горада больш 1000 жыхароў.

The post Жыхары Пінска далучаюцца да кампаніі “За якасную медыцыну” appeared first on Афіцыйны сайт Беларускай Хрысціянскай Дэмакратыі (БХД).

Любяць сюды ездзіць і нашыя ўнукі, ужо незлічонае
пакаленне Севярынцаў. Усё тут таямніча і цікава. Кожны раз з’яўляецца нешта
новае, бо дзядзька Мікола, які зараз тут гаспадарыць, любіць здзіўляць і
зрабіць так, каб было па-сапраўднаму зручна, утульна і прыгожа.

Вёска выцягнулася ўздоўж дарогі Рэчыца-Мілаград. Ніякага
стратэгічнага значэння гэтая дарога не мае, але дзень і ноч па ёй бягуць аўто,
бо ўсе вёсачкі, што сустракаюцца па дарозе- на беразе Дняпра. Старажылаў па іх
амаль няма, а людзі панабывалі закінутыя дамкі, пераўтварылі хто ў лецішча, хто
ў аграсядзібу з бізнесам. І манкія гэтыя
мясьціны не толькі для беларусаў. Дарэчы, дамкі набываюць і пераўтвараюць у
гатэлі былыя галоўны інжэнер, галоўны урач, галоўны ветэрынар…А побач з
бабуліным дамком дабудоўвае свой гатэль нейкі масквіч…

Мы ж Днепр бачым з
вакна бабулінай кухні, калі збіраемся за сталом.

Не заходзячы ў хату, Грышаня з Сонькай бягуць глядзець
Муху- гэта новая асоба ў сядзібе. Невядомай пароды чорны шчанюк гойсае галопам
па вальеру. Соня адразу пачынае
дрэсіроўку: “Мухтар, за мной! Бяры мяч! Вось ён, такі круглы!”

Потым –кралі. Дзеці ўжо ведаюць, чым іх трэба карміць,
бягуць па траву.

Цягнуць нас на Дняпро. На другім беразе палююць белыя
чаплі ды чорныя чырвонакніжныя буслы, у
лазняку сварацца дзіўныя птушкі, слізгаюць з-пад ног вужыкі.

Бяруць у дзеда вуду, каб палавіць рыбку, тая не даецца. А
цярпення ж не хапае, бо ў затоке стаіць лодка – мама Даша марыла
павеславаць. Чорная, хутка бягучая вада
Дняпра крыху палохае, асабліва калі,
правяраючы глыбіню каля шпынька сярод ракі, дзед не дастае дна вяслом. А
шпынёк-паказчык таго, што там можа быць кусток пад вадой, дзе прытаіўся які
лянівы акунь. Дзед-майстар лавіць рыбу рукамі па тых шпыньках, але фокус не
ўдаецца, ды дзеці ўжо і не чакаюць яго завяршэння, просяцца на бераг, дзе прызнаюцца, што было страшна і больш на лодке яны не паедуць. Але праз ноч страхі
забываюцца… Пасля навальніцы бягуць
вычэрпваць ваду з лодкі, каб павандраваць па наваколлях.

У баньке, якая проста ледзь не скача з крутога берага,
можна не толькі памыцца-папарыцца, але і на канапе паваляцца ды тэлевізар
паглядзець, а хочаш, дык і гарбаткі з якімі прысмакамі пасёрбаць .

Наведаўшы бабу Марусю і дзеда Паўла на могілках, ідуць па
маміных лугах, дзе тая з дзядзькам Паўлам пасвіла кароў. Летам жа воля воляй, а
бабулі трэба было і дапамагаць.

Па дарозе трапляюцца грыбы. Канешне, бярэм на смажанку.
Грыня адбіваецца ад камароў, а Соня спявае з мамай ды ўсё пытаецца:”А што там?
А там?”

Вакол Унорыцы –
загадкавыя мясьціны: Каменка, Цярцежык, Прысярод, Стойла, Тойбок… Усё
трэба даследаваць. І час на гэта ёсьць.

Насупраць могілак-высокае дрэва з буслінай сям’ёй. У прыродзе гарманічна ўсё.

The post Замалёўкі бабулі-4 appeared first on Афіцыйны сайт Беларускай Хрысціянскай Дэмакратыі (БХД).

БХД традыцыйна ўвесну ў розных кутках Менска правозяць акцыі
“Зялёны Менск”.

“Тое, якім будзе наш горад, залежыць ад актыўнасці
грамадзян. Ад нашай адказнасці за двары і паркі. Мы павінны не толькі бараніць
ад знішчэння нашы паркі і двары, але таксама рабіць тое што здольныя: пасадзіць
дрэва, прыбраць смецце, дапамагчы храмам. Мы заклікаем далучацца да
добраўпарадкавання горада сем’ямі і дзецьмі. Менск – наш горад, і наша
адказнасць – абараніць яго і захаваць зялёным для будучых пакаленняў”, –
адзначыў сустаршыня аргкамітэту БХД Віталь Рымашэўскі.

The post У Менску БХД праводзіць акцыі “Зялёны Менск” (фота) appeared first on Афіцыйны сайт Беларускай Хрысціянскай Дэмакратыі (БХД).

Дзве страшэнныя фашысцкія блакады прайшліся
катком па Лагойшчыне. З дзецьмі і старымі беглі на балота, сядзелі па шыю ў
вадзе, накрываліся мохам, хаваліся пад карчамі… Застрэленых пасля звозілі
вазамі, харанілі без гадоў нараджэння. Толькі
прозвішча і сказ: “Убиты в 1943 г.”.

Такіх “сямейных” магілак шмат у вёсцы Янушкавічы. Многія імёны ўжо з’ела
іржа. Вось некалькі такіх захараненняў: “Леонович
Трофим Петрович (1876-1943), Марцинкевич Матрена Филипповна и 3 детей”, “Марцинкевич
Антон Васильевич и Нина Трофимовна и 4 детей. Убиты в 1943 г.”, “Локаць Пелагея
Бонифацьевна з дочкой и двумя сынами. 1943”.

Прыбрана шмат магіл. Па просьбе мясцовай
жыхаркі пафарбавана аградка дзяцей партызана Паўла Говарава, які арганізоўваў
атрад “Бальшавік” і быў забіты па даносе. Большай дзяўчынцы было 5 гадоў,
меншаму – год і 7 месяцаў. Іх матуля адышлася падаіць карову…

Наперадзе
ў сяброў БХД яшчэ нямала працы. Могілкі, на жаль, у запушчаным стане.

The post Сябры БХД даглядаюць могілкі ахвяр нацызму ў Лагойскім раёне appeared first on Афіцыйны сайт Беларускай Хрысціянскай Дэмакратыі (БХД).

“…стварэнне веласіпедных дарожак шляхам нанясення адмысловай разметкі на
тратуары, у сітуацыі, якая склалася ў цэнтральнай частцы горада, лічым
немэтазгодным, бо згодна з ТКП 45-3.03-227-2010 шырыня веласіпеднай дарожкі
павінна быць не менш за 1 метр, а пешаходнай дарожкі – не менш за 1,2 метра”. “Для
пашырэння праезнай часткі і арганізацыі паласы руху для веласіпедаў альбо
веласіпеднай дарожкі неабходна павялічыць яе шырыню ў сярэднім на 1 метр у
кожны бок руху. У некаторых месцах гэта прывядзе да звужэння і так
недастатковага па памеры тратуара, у іншых—да скарачэння зямельных участкаў
грамадзян і юрыдычных асоб, што таксама немагчыма”…

“Між тым мы не патрабуем разметкі па
ўсім горадзе. Зразумела, што гэта патрабуе ўсіх тых высілкаў, пра якія пішацца
ў лісце –адказе. Але ж тратуары ў цэнтры
гораду і шмат дзе на перыферыі шырокія. Мы прамералі іх звычайным швачным
метрам. Так, напрыклад, па праспекце Будаўнікоў шырыня тратуару складае 4,75
метра, на Чкалава, Маскоўскім праспекце, Чарняхоўскага, Смаленскай, Фрунзе,
Перамогі, Воінаў-Інтэрнацыяналістаў, Кірава, Герцана, Леніна, Церашковай,
Броўкі, Горкага—тое самае, з невялікім хістаннем: дзе крыху больш, дзе крыху
менш, але не менш чым патрабныя 2,2 метра. Ёсць вуліцы, дзе мінакі сустракаюцца
гады ў рады. А раварыстаў шмат. І яны часцей перасоўваюцца па горадзе па
справах, а не проста праветрыцца выехалі”, – адзначыла Таццяна Севярынец.

“Ёсць такая выснова: калі чалавек хоча, ён шукае выйсце, робіць; калі
не—шукае апраўдання. Чыноўнікі ў Віцебску не хочуць. Так што гэтая праблема так
і застанецца пакуль галаўным болем для начальніка аддзела арганізацыі дарожнага
руху Віцебска Віктара Касянкова”, – сказала яна, дадаўшы, што актывісты
працягнуць працаваць, каб праблему
вырашыць.

The post Уладам Віцебска не хапае 4,75 метра тратуара, каб зрабіць веладарожкі (фота) appeared first on Афіцыйны сайт Беларускай Хрысціянскай Дэмакратыі (БХД).

Каб праверыць, як ідзе будаўніцтва, каардынатар аргкамітэту БХД па
Віцебшчыне Таццяна Севярынец 24 сакавіка выправілася на стары палігон, што пад
самым мікрараёнам Білева, і месца паміж Капцямі і Касачамі.

“І што новага? А нічога!!! Як вазілі смецце на стары палігон, так і возяць.
Як пагражаў ён гораду экалагічнай катастрофай, так і пагражае. Як стаяла на новай пляцоўцы пабудаваная энергетыкамі
ЛЭП з вышкамі і стаўпамі, так і стаіць, толькі шыльда кудысьці знікла, дзе было
напісана, што гэта за аб’ект, ды буралом пачаў асвойваць прастору (гэты
дзейнічае нашмат хутчэй віцебскага кіраўніцтва). Дарэчы, не здзіўлюся, калі
наступны раз убачу раскурочаныя дзверы таго ЛЭПу, праз якія ўсё будзе вынесена
жадаючымі і ўмеючымі красці нават з-пад замка – аховы ж няма. Падазраю, што
грошаў нашых туды было ўкладзена безліч… Яшчэ адзін адрас безгаспадарчасці,
абыякавасці, лузерства”, – адзначыла яна.

The post Улады Віцебска не выканалі абяцанне пабудаваць смеццеперапрацоўчы камбінат (фота) appeared first on Афіцыйны сайт Беларускай Хрысціянскай Дэмакратыі (БХД).

Галіна Каржанеўская як дачніца склала прапановы да
Валожынскага выканкама – па даездзе, добраўпардкаванні і г.д. Адказ за подпісам
намесніка старшыні І.Ляшкевіча прыйшоў своечасова. Па транспарце пытанне
вырашылася станоўча, але некалькі іншых пытанняў як бы не заўважылі. Напрыклад
– па стану прыдарожнай паласы і вуліцы ў самой вёсцы.

“Ёсць у сучаснага начальства такая звычка: не адмаўляць і
не рабіць… А вось па баршчавіку Сасноўскага мне адказалі вельмі вынаходліва. «Если борщевик начал распространяться,
необходимо принимать соответствующие меры борьбы с ним. Есть химические и
механические способы. В том числе и многократное скашивание». І далей штось доўгае і
няўцямнае па сэнсе. Можна падумаць, што не я звяртаю ўвагу кіраўніцтва на
пагрозу яшчэ адной плантацыі (непадалёку, у Пелікштах – 1,5 га), а яны мяне
вучаць, як надалей правільна выкарэньваць агрэсара”, – адзначае Галіна
Каржанеўская.

“Не, каб паведаміць простае: што прыродаахоўнікі
праінфармаваны пра новы інвазійны ачаг, а дарожныя будаўнікі папярэджаны. У
канцы ліста, праўда, паабяцалі, што ў бягучым годзе «будет продолжена эта работа на предмет активизации работ в данном
направлении”. Народны кантроль будзе сачыць, як і кім яны прадоўжацца”, – дадае
яна.

The post Экалогія – адзін з напрамкаў дзейнасці мінскай БХД appeared first on Афіцыйны сайт Беларускай Хрысціянскай Дэмакратыі (БХД).

Камітэт па ахове здароўя Менгарвыканкама
сур’ёзна падрыхтаваўся да візіту грамадскіх актывістаў. На вушы паставілі
загадчыкаў паліклінік па месцы жыхарства Вольгі Кавальковай і Галіны
Каржанеўскай. Чыноўнікі чакалі, што паступяць якіясь асабістыя скаргі. Праўда,
першы намеснік старшыні Чараднічэнка Д.У. у свой прыёмны час адсутнічаў. Але і
без яго гаворка адбылася.

Прынамсі, было закранута пытанне
перажытку савецкай медыцыны – праверкі сэрца выключна з дапамогай ЭКГ спакою.
Такая практыка даўно паказала сваю неэфектыўнасць пры дыягностыцы сардэчных
захворванняў.

Прадстаўнікі камітэту паабяцалі
падрабязна адказаць на ўсе паступіўшыя прапановы. Пад гэтымі прапановамі
падпісалася звыш ста жыхароў Мінска.

The post Кампанія “За якасную і даступную медыцыну” паставіла на вушы чыноўнікаў ад медыцыны appeared first on Афіцыйны сайт Беларускай Хрысціянскай Дэмакратыі (БХД).

Заўважым: жыхары вёскі не
заасфальтаваць прасілі дарогу, не пракласці новую! Не расходваць палову
мясцовага бюджэту на свае патрэбы! Кошт пытання – машына жвіру з кар’ера
суседняй вёскі таго ж Кіраўскага раёна. “Дык, можа, варта прапанаваць
чыноўнікам заадно правесці маніторынг па навядзенні парадку на сацыяльным
аб’екце – мясцовых могілках вёскі Сяргеевічы?” – задаецца пытаннем старшыня
Пенсіянерскай арганізацыі аргкамітэту БХД Наталля Маразевіч.

У тым жа лісце 2013 людзі
прасілі вырабіць два драўляныя скрыні для збору смецця і старых вянкоў. Але
мясцовы «гаспадар» зноў паступіў па-свойму і зноў дзяржаўныя сродкі зэканоміў.
Сельскі савет павесіў у аддаленым месцы могілак шыльду памерам 20 на 20 см і
дробным почыркам паказаў месца збору смецця. Натуральна, гэту аб’яву ніхто не
бачыць. Смецце зноў закапаюць экскаватарам наўпрост на месцы пахаванняў, як ужо
было раней.

The post Кіраўскім уладам спатрэбіліся два гады, каб вывучыць сітуацыю ў вёсцы Сяргеевічы appeared first on Афіцыйны сайт Беларускай Хрысціянскай Дэмакратыі (БХД).